نجوى المالحي – كود //

أكدت سارة، مرات الفنان أنس الباز، وفاة بنتهم دينا، بأزمة قلبية مفاجئة (mort subite)، في منشور حطاتو على حسابها في انستكَرام.

سارة نشرات تصويرة ديال أسرتها الصغيرة قبل وفاة بنتهم، وقالت “ولّفناها وبغيناها وقلبنا كيتقط”.

وحتى انس نشر تصويرة ديالو مع دينا على حسابو في نفس الوقع، وعلق عليها: كنبغيك ابنتي العزيزة وحتى حاجة ماغادي تقدر تعوضك في قلبي.. مع السلامة قلبي.

وخلق الموت ديال دينا وهي مازلة غير رضيعة، حالة من الصدمة بين الفنانين، لي شاركوا زميلهم الحزن ديالو.. منهم زهير بهاوي وامينوكس وسناء عكرود وربيع الصقلي وياسين احجام واخرين.

وكتب الفنان رفيق بوبكر، لي كتجمعو علاقة صداقة مع أنس الباز على حسابو في أنستكَرام “وفاة ابنة صديقي وأخي انس الباز، كل التعازي لعائلة الباز وزوجته…انا لله وانا اليه راجعون”.

https://www.instagram.com/p/CJZBdHthf9o/

https://www.instagram.com/p/CJY7jomlXwL/