كريم الصوفي – كود//
[email protected]
قالت تقارير اخبارية، أن بوليس الصبليون شدو ف 1 يناير الحالي بمدينة مورثيا واحد عندو 32 عام ضارب مخدر “الزومبي” گالو عليه مغربي بعد ما حاول ياكل راسو ونقلوه للصبيطار ف حالة هيجان.
Joven marroquí de 30 años se devora a sí mismo tras consumir droga caníbal.
#Murcia pic.twitter.com/5jQIw2pr7I— Policía XXXIV????????????????♂️???? (@hgopositorcnp) January 7, 2022
في مقطع فيديو تم تداوله على مواقع التواصل الاجتماعي تم تصويرو بكاميرا ديال بوليسي وسط الصبيطار، كان الموقوف كيغوث ويمص صباعو اللي عامرين دم والجسم ديالو فيه جروح في أجزاء مختلفة بسبب العض. دابا البوليس كيحاولو يعرفو كيفاش هاذ “المغربي” طاح على هاذ المخدر الخطير اللي كيخلي بنادم يحاول ياكل اللحم ديالو ويهاجم الاخرين بعنف ووحشية.
هاذ العقار عندو تسميات مختلفة منها MDPV أو “عقار آكلي لحوم البشر”، و”غبار القرد”، وكيميائيا معروف ب “methylenedioxypyrovalerone”، ووفقا للدراسات كيمنع إعادة امتصاص النورادينالين والدوبامين لدى الانسان ، مما يقلل من سيطرة الشخص على جسمه. ويمكن أن يسبب أفكار انتحارية أو سلوكات غريبة وكيولي اكثر خطورة اذا تخلط مع الكوكايين.
