نجوى المالحي -كود//
بعد سنوات من الزواج جبد الممثل يوسف الجندي الأرشيف ديال أول مرة طلب يد مراتو، الإعلامية حورية بوطيب، ولي أعلن زواجهة في مهرجان مراكش الدولي.
يوسف الجندي حط فيديو على حسابو في أنستگرام، كيخلد بيه ذكرى زواجهم، وكتب عليه عبارات الحب والغرام في حق مراتو لي عندو معها جوج وليدات.
وكتب يوسف الجندي: “بعيدا عن كورونا، واحد النهار في مهرجان مراكش خطبت مراتي أمام الجميع، درت داكشي لي حسيت بيه، لي بغيت نقول ليكم هوا لي عندو شي حاجة فقلبو ميخبيهاش، سواء كانت حب أو موهبة متسناو حتى شي واحد ايدير ليكم شي حاجة اعتمد على راسك.قول بسم الله اوتوكل على الله”.
