وفينك آ الوالي وفين الجمعيات البيئية.. “ديناصور” عقار داير تجزئة كّدها كّداش فغابة طنجة وكلشي ساكت والصداع ديما نايض غير على “الصغار”
نجوى المالحي- كود//
فضيحة واقعة في تركيا بعدما قررت الدولة ترجع نصف المغاربة الحاصلين في بلاد أردوگان وخلات النصف الآخر، في واحد الفوضى كبيرة المتضررين منها هما المغاربة اللي واحلين تما.
الوضعية في تركيا نقلها الكوميدي يوسف أزولال المعروف بفاطمة تاويل، حيت حتى هو 3 أشهر هادي وهو حاصل تما، ودار فيديو كيعاود فيه على الظروف المزرية لي عايشين فيها الناس لي واحلين معاه.
يوسف أزولال قال في فيديو بارطاجاه على حسابو في انستكَرام أن أكثر من 60 مغربي باقيين حاصلين في تركيا، لا أكل لا شرب وتحت حرارة وصلت لـ35 درجة، وتعامل حاط من الكرامة من طرف السلطات لي قوا عليها البشر.
أزولال هضر على الناس لي معاه وقال ان الفلوس تقادات ليهم وكيعيشو على المساعدات القليلة جدا ولي خلاتهم يعانيو بزاف في هاد الأيام، وخاصة بسباب الوعود الكثيرة لي تلقاوها باش يرجعو لبلادهم وفي الاخير ماكان منها والو.