كود كازا ///
ما دازش عام باش وقع سعد الدين العثماني رئيس الحكومة انذاك اتفاقية تاريخية مع اسرائيل وامريكا. هاد السيد هو الامين العام للعدالة والتنمية. كان فحكومتو وزير اسمو محمد امكراز بحقيبة الشغل.
دابا اليوم 28 نونبر 2021 خرج نفس الشخص اللي بارك الاتفاق المغربي الاسرائيلي٬ ولكن بكاسكيطة اخرى هي الكاتب الوطني لشبيبة العدالة والتنمية باش يدعو لما سماه “نداء المشاركة في الوقفة الشعبية”.
هادي بغاو يديروها مع تيارات اخرى اليوم الاحد 28 نونبر مع الخمسة دالعشية قدام البرلمان. تصورو. اليوم كيهدرو على دعم القضية الفلسطينية والمقاولة الباسلة والتخربيق لاخر. البارح وقعو مع التطبيع مع ما يسمونه اليوم “الصهاينة”.
اللي خاص اليوم هي مسيرة شعبية ضد هاد الشبيبة وهاد الحزب. ياك وقعو على الاقل يحشمو على عراضهم ويسكتو.
باش وقعو شكرناهم حقاش تصرفو تصرف رجالات دولة. دابا بدا التبرهيش