وكالات //

الكاميرا شدات مدافع نادي برشلونة جيرارد بيكي، اللي يالاه تفارق مع المغنية الكولومبية شاكيرا، وهو ناشط وعايش الحياة مع واحد الشهبة.

بيكي مزال لهاد الساعة مادواش على الفراق ديالو هو وشاكيرا، وغبر ليه الأثر قبل ما يبان مع بنت شهبة فالعاصمة السويدية ستوكلهوم.
‏
جورنال “ماركا” الصبليوني، قال أن بيكي سافر لستوكهولم باش يحضر للقمة الدولية “عقول رائعة” (Brilliant Minds)، اللي حاضرين ليها بزاف ديال الشخصيات الناجحة من مختلف أنحاء العالم.

وفالعشية ديال الحدث مشا بيكي التاحق بحفلة فالمنطقة وغالبا تما تلاقى بهاد البنت اللي كلشي ولى كيهضر عليها.

Pillamos a Gerard Piqué disfrutando de su vida de soltero con una chica que no es C.C #Socialité572 pic.twitter.com/USg7QqJE7O

— SOCIALITÉ (@socialitet5) June 19, 2022

وأكدات كاترين زيتوميرسك (Katrin Zytomierska)، المدونة السويدية اللي حضرات المناسبة، أن بيكي كان مع بنت شهبة مامعروفاش شكون هي.

جيرار بيكي حضر للقمة الدولية بدعوة خاصة من الملياردير السويدي “Daniel Ek”، واحد من مؤسسي “Spotify” وال”PDG” ديالها حاليا، اللي سينا مؤخرا كونطرا دالسبونسورينكَ مع البارصا.