الرئيسية > آش واقع > وهبي كلاشاه العلمي : خاصك الدروس وعرفنا منكوم غير الهضرة وكتكذبو على المغاربة وايلا كونتو قادرين تبنيو أجيو وريونا -فيديو
22/06/2021 21:45 آش واقع

وهبي كلاشاه العلمي : خاصك الدروس وعرفنا منكوم غير الهضرة وكتكذبو على المغاربة وايلا كونتو قادرين تبنيو أجيو وريونا -فيديو

وهبي كلاشاه العلمي : خاصك الدروس وعرفنا منكوم غير الهضرة وكتكذبو على المغاربة وايلا كونتو قادرين تبنيو أجيو وريونا  -فيديو

أحمد الطيب – كود الرباط//

مواجهة وقعات البارح الاثنين بين الأمين العام لحزب الأصالة والمعاصرة عبد اللطيف وهبي ووزير الصناعة والتجارة والاقتصاد الرقمي فالبرلمان.

وهبي دار تدخل هدر فيه على ارقام الحكومة اللي فيها لكذوب كيف اوضح وللي ما دارتش مناصب شغل بالعدد اللي كتقول.

وهبي باش يهاجم العلمي قال باللي إدريس جطو هو صاحب مشروع الطوموبيلات والتسريع الصناعي، وزاد بأن جطو هو اللّي حط التصور، مخاطبا الوزير مولاي حفيظ العلمي بالقول: “بلا متعطينا الدروس”.

وهبي سالا من الصناعة ومشا عاود كيهضر على الصيد البحري وقال “راه حنا عارفين الأثمنة ديال السردين ف الموانئ وراه الصيد البحري فيه شويا ديال الانتخابات وشويا ديال المعقول وكاين حتى اللي ماشي معقول”.

الوزير مولاي حفيظ العلمي كلاشى وهبي وقال ليه سير تتعلم “راه مزال خاصكوم الدروس. حقاش تكذبون على المغاربة مني قلتي أن مناصب الشغب مكايناش. وخاصك تعلم تحسب فالصندوق الوطني للضمان والاجتماعي”.

وأضاف وزير الصناعة : “راه مسجلة 665 ألف منصب شغل ف لاسينيسيس وأحب من أحب وكره من كره ويلا كونتو قادرين باش تبنيو أجيو وريونا شنو كتعرفو حقاش عرفنا منكوم غير لهضرة”.

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي

28/03/2024 22:30

لشكر شتت تنسيق المعارضة.. زرب على بنعبد الله وبنكيران وأوزين وعلن رسميا باسم المعارضة على ملتمس الرقابة