اسماء غربي- كود//
ولد وزير العدل الفرنسي إيريك دوبون-موريتي، رافاييل دوبون-موريتي، تدار تحت الحراسة النظرية فكورشوڤيل، حيت يشتبه انه ضرب مراتو.
القضية ومافيها هي ان جارة ديال ولد الوزير، فالسطاسيون ديال السكي كورشوڤيل فالساڤوا، عيطات للجدارمية من بعد ما سمعات الغرات والضرب، وقالت للمحققين ان مرات رافاييل دوبون-موريتي اللي قالتلها انه ضربها…
دوبون-موريتي كومونطا هادشي اللي وقع، وقال لـBFMTV : كأب انا محطم، كنفكر فالضحية، اي عنف كيف ما بغى يكون غير مقبول.. وكوزير، ديما حاربت العنف ضد العيالات وباش هضرتهم تسمع.. وكمواطن كنطلب منكم احترام حياتي العائلية. دابا غادي نخليوالعدالة دير خدمتها.
