كود كازا ///

وزير خارجيتنا ما عندوش علاش يحشم. ضربة تلقيناها من البرلمان الاوربي وهي ضربة سياسية بالاساس٬ بعد تصويتها علي ادانة الرباط على قضية دخول قاصرين واطفال لسبتة٬ وبوريطة اش دار؟ اول نشاط هو هادا كيف نشراتو لاماب:

أجرى وزير الشؤون الخارجية والتعاون الإفريقي والمغاربة المقيمين بالخارج، ناصر بوريطة، اليوم الخميس، اتصالا هاتفيا، مع نائب الرئيس، المستشار الفيدرالي، رئيس الدائرة الفيدرالية للشؤون الخارجية السويسري، ايغناسيو كاسيس”.

تصورو مشى عند دولة ما تنفع ما ضر بحال حليب لحمارة. دولة للي ما عضو فالاتحاد الاوربي ما كدخل فشي حد ما كتأثر فالعلاقات الدولية.

فالوقت اللي كنتسناو بيان او موقف او تصريح على تصويت البرلمان الاوربي مشى كيهدر على الاشادة ب”العلاقات القائمة بين المغرب وسويسرا” و”أهمية تعزيز الحوار السياسي والشراكة الاقتصادية من خلال فتحها على محاور جديدة للتعاون”.

عبقري زمانو وصافي. وكأن هاد الشي ما كيعني ليه والو.