عفراء علوي محمدي- كود//

من بعد ما تحسنات الوضعية الوبائية فعمالة القنيطرة، قررات السلطات المحلية تمدد توقيت السدان ديال الحوانت والمحلات التجارية والمحلات المهنية والحرفية وأسواق القرب.

ودابا عوض ما يسدو المحلات مع 8 دالليل، غيوليو يسدو مع 9، وهذشي من بعد ما قلالو الإصابات بكورونا فالمدينة.

هذ القرار غادي يبقى سائر المفعول لمدة 15 ليوم، ومن بعد غتقرر السلطات تاني واش تغير التوقيت ولا لا، حسب الوضعية الوبائية فالمدينة.