جدل امتحان البيرمي.. “نارسا”: كاين تطور إيجابي فنسبة نجاح المترشحين فاليوم الرابع ووصلات لـ54,41 فالمية
كود كازا//
البوليس والقوات العمومية كاينين فساحة الأمم المتحدة “ماريشال” فكازا، اليوم الاثنين، باش يمنعو وقفة مناهضي التطبيع، اللي معتزمين يديروها اليوم.
ومحطة الطرام الأمم المتحدة (الخط 2) متوقفة، من الجوج حتى للخمسة اليوم، باش تمنع تجمع مناهضي التطبيع، وتنظيمهم لهذ الوقفة اللي الظروف الوبائية ماكتسمحش بيها، فالوقت اللي بعض زبناء المحطة عبرو على استياءهم من هذشي منين لقاو المحطة مطوقة بليباريير.
وكان سبق للجبهة المغربية لدعم فلسطين وضد التطبيع، دعات لتنظيم هذ الوقفة للتضامن مع الفلسطينيين.
وفبلاغ ليها قالت الجبهة أن الوقفة كتجي “من أجل دعم نضال الشعب الفلسطيني في القدس، ومقاومته الباسلة للمستوطنين والكيان الصهيوني العنصري، دفاعا عن الأرض والمقدسات”.
واللجنة كذلك كتعتزم تدير وقفة مماثلة فالرباط اليوم، قدام البرلمان.