كود سبور//
توفى فالمساء ديال البارح الخميس، عبد القادر مختطف واحد من أساطير كرة القدم المغربية وفريق الجيش الملكي، ولي سجل ثلاثية تاريخية فالمرمى ديال فريق ريال مدريد الإسباني خلال الستينيات ديال القرن لي فات.
نادي الجيش الملكي علن وفاة الأسطورة ديالو عبد القادر مختطف، وقدم التعازي للأسرة ديالو وقدمها أيضا للأسرة ديال كرة القدم الوطنية.
المدون رشيد البوهالي لي متخصص فالأرشيف ديال الرياضة المغربية، ما خلاش هاذ المناسبة الحزينة تمر بدون ما يذكر العشاق ديال الجيش الملكي وكرة القدم المغربية بهاتريك سجلو الراحل فمرمى ريال مدريد عملاق أوروبا، وهي معلومة قليل لي كيعرفها.
البوهالي قال فتدوينة فيسبوكية: “عبد القادر مختطف اللاعب الدولي السابق ولاعب الجيش الملكي سجل الهاتريك في مرمى ريال مدريد سنة 1962برسم كاس محمد الخامس في مباراة الترتيب التي جمعت الجيش الملكي بنادي ريال مدريد”.