وكالات-كود//

وفاء بنت خو  الارهابي أسامة بن لادن مؤسس وزعيم تنظيم القاعدة السابق، لي قتلاتو ميريكان بسباب العمليات الارهابية لي أبرزها هجمات 11 سبتمبر في نيويورك، كتحاول تولي مغنية في لندن بعدما حاولات المرة الأولى في نيويورك.

وفاء دوفور Wafah Dufour عندها 44 عام وهي البنت الكبيرة ديال خو بن لادن، ومراتو السابقة الإيرانية السويسرية كارمين بن لادن.

صحيفة “the sun” قالت أن وفاء كتغني مع فرقة فيها 3 ديال البنات وكترفض تدوي على عمها الارهابي.

ومن نهار تزادت، دوات وفاء مع باها مرة وحدة ملي كانت عندها 18 العام ومكيعطيهاش الفلوس واخا لاباس عليه.

وعاشت وفاء في السعودية 10 سنين، قبل ما تنتقل للعيش في ميريكان ودابا بريطانيا.