كريم الشركي-كود///

هاد النهار فحفل تسليم السلط لين الوزيرة ارانتشا غونثاليث ديال خارجية اسبانيا لي طارت بسباب الازمة مع المغرب، وبين وزير الخارجية الجديد خوسي مانويل، هضر الاخير فكلمة وأشاد بالمغرب.

خوسي مانويل لي كان سفير فباريس ديال الصبليون، قال أن مهمتو الاولى هي تعزيز العلاقات مع المغرب، الصاحب لكبير ديال اسبانيا والجار الجنوبي ليهم.

طبعا هاد الدخلة ديال الصواب والادب مع المغرب، باش يرطاب معاهم، بعدكا طلع للجبل وما بغا يدير معاهم مفاوضات مؤدية لصلح لي غانكونو حنا الخاسرين فيه يلا قبلنا بيه وارانتشا مازال وزيرة خارجية.