الرئيسية > آش واقع > وزير خارجية اسبانيا : علاقتي ببوريطة متقلبة ويمكن هو الوزير الوحيد اللي كنهضر معاه بزاف
17/01/2022 21:30 آش واقع

وزير خارجية اسبانيا : علاقتي ببوريطة متقلبة ويمكن هو الوزير الوحيد اللي كنهضر معاه بزاف

وزير خارجية اسبانيا : علاقتي ببوريطة متقلبة ويمكن هو الوزير الوحيد اللي كنهضر معاه بزاف

كريم الصوفي – كود//
[email protected]

دارت صحيفة “Eldiario.es” مؤخرا حوار مع وزير الخارجية الاسباني، خوسي مانويل الباريس تكلم فيها على أفاق تطوير العلاقات مع المغرب مستقبلا، وكيفاش العلاقة ديالو مع نظيرو المغربي متقلبة واللي هو وزير الخارجية الوحيد اللي كيدير معاه أكبر عدد من المحادثات والمكالمات، حسب الوزير ألباريس.

وصرح الوزير الاسباني، أن مستوى التعاون مع المغرب ف ملف الهجرة مزيان والدليل هو منع السلطات المغربية لحوالي 1000 حراگ فظرف 15 يوم قبل البوناني من اقتحام اسوار سبتة ومليلية، كما قلل من تأثير عدم عودة السفيرة المغربية الى مدريد على تطور العلاقات بين البلدين الجارين، مؤكدا أن العلاقات واخا متقلبة للغاية، السفارة المغربية في إسبانيا مفتوحة وكاين قائم بالأعمال مسؤول عنها.

وشدد رئيس الديبلوماسية الاسبانية، في الحوار ذاته، على ضرورة تجنب أي نوع من الإجراءات الأحادية اللي يمكن تزعزع ثقة الطرف الآخر، وان البلدين كيبنيو دابا علاقة للقرن الحادي والعشرين وكيتطلعو بجوج للمستقبل والمغرب كيبقى شريك استراتيجي لإسبانيا وأوروبا والخدمة الدبلوماسية كتاخذ وقت وكتطلب الصبر، لكنها كتجي ديما بنتائج..

http://ceutatv.com/art/42966/albares-apuesta-por-una-relacion-del-siglo-xxi-con-marruecos

https://www.eldiario.es/internacional/jose-manuel-albares-impidio-salto-valla-1-000-personas-navidad-seria-dificil-colaboracion-marruecos_128_8653611.html

موضوعات أخرى

29/03/2024 13:17

ها المعقول..استثمار صيني كبير فالمغرب بـ3 مليار درهم لانتاج بطاريات السيارات الكهربائية غايوفر 2500 منصب شغل وبلادنا هربات على لالجيري فصناعة السيارات

29/03/2024 13:00

الجيش الإسباني غاد يوسع المنشأت العسكرية ف سبتة ومليلية وغيجهز مراكز خاصة للتدريبات والمناورات لسلاح المدرعات

29/03/2024 12:50

تفاصيل حصرية على وضع منسقة جهوية لحزب سياسي بجهة فاس مكناس فالحراسة النظرية: خدات من الضحايا فلوس صحيحة وصلات 18 مليون والمدير الجهوي ديال الضرائب هو اللي فضحها

29/03/2024 12:25

خاص.. وضع المنسقة الجهوية لحزب سياسي بجهة فاس مكناس فالحراسة النظرية بسبب قضية كبيرة ديال النصب والاحتيال والتزوير

29/03/2024 12:00

السلطات المغربية قبلات العودة ديالهم.. گاع الحراگة اللي استغلو الموڤيطا ديال الثلاثاء الفايت وحرگو لسبتة رجعو تا اللي بالغين ودارو راسهم قاصرين

29/03/2024 11:30

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 11:00

البوليساريو بغات تستاغل الرئيس السنگالي الجديد وكتزاوگ فيه يدير معاها علاقات