كود الرباط//
قال وزير الصحة والحماية الاجتماعية، إن “الطريقة باش تمت الصفقات التفاوضية كانت سلسة والنتيجة في أرض الواقع”.
وشدد وزير الصحة، في رده على سؤال صحفي حول الشكايات التي وضعت لدى النيابة العامة، على أن الصفقات تمت بطريقة مرنة وكانت المراقبة منها لجنة التفتيش التابعة لوزارة المالية.
وأكد الويز انه معندو تا شي مانع بخصوص وضع الشكايات، مضيفا ان الصفقات دارت في إطار القانون والاستجابة السريعة لحاجيات المواطن باش ميوقعش لينا كيف ما طرا.
يشار إلى ان الجمعية المغربية لحقوق الإنسان وترانسبارنسي المغرب، حطو اليوم شكاية ضد وزير الصحة خالد ايت الطالب عند النيابة العامة٬ بتهم تتعلق بشبهات “تبديد أموال عمومية” وصفقات بالملايير لشركات ما عندهاش الاهلية القانونية.
الشكاية اللي تسربات للصحافة قبل ما تحطل عند النيابة العامة كتهدر على شي 10 شركات ما عندهاش الأهلية القانونية باش تاخد صفقات من وزارة الصحة واللي قدرات قيمتها بالملايير.
طبعا هاد لملايير كيف كتقول الشكاية من المال العام.
الشكاية اللي عند “كود” فوطوكوبي منها٬ هدرات على صفقات ما حتارماتش مساطر التسجيل لدى وزارة الصحة. عدد هاد الشركات 45 شركة.
