كود الرباط//

علمت “كود” من مصدر مطلع أن فاطمة الزهراء عمور، وزيرة السياحة والصناعة التقليدية والنقل الجوي والاقتصاد الاجتماعي، رفضت التجاوب كتابيا مع أسئلة البرلمانيين، عكس باقي الوزراء.

وقالت مصادر برلمانية لـ”كود” بلي كاينين اسئلة من نهار 6 دجنبر 2021 مزال مجاوبتش عليهم، وهادشي غير مقبول من الحكومة لي خصها تجاوب وتفاعل مع نواب الأمة.

واستغربت ذات المصادر التجاهل المستمرة لهاد الوزيرة للبرلمانيين، بل ماشي غير النواب حتى الصحافة كتهرب منها ومكتبغيش تجاوب معهم.

وزيرة كتخلص من المال العام ومن فلوس ضرائب المواطنين، واجبها تواصل وتجاوب الصحفيين والبرلمانيين، راه هادو لي كيديرو الرقابة.

وزيرة حادكة فالتصاور والضحك فعز الأزمة للي ضاربة القطاع، فازمة كبيرة كتهدد وجود قطاع كولو٬ بانت الوزيرة تقريبا فصورها كتضحك. فرحانة. ناشطة. واش هادي ما عندهاش اللي يوريها خدمة اصلا كانت كديرها وهي التواصل. هادشي فمراكش هادي شي 4 ايام.