مصرية تعدات جنسيا على ولد جارتها عندو غير 10 سنين وصوراتو باش تجيب مشاهدات على “تيك توك”
عمـر المزيـن – مكتب الرباط//
[email protected]
حملة مسعورة وخايبة دايرينها وزاراء العدالة والتنمية وحتى كتائب “البي جي دي” على سعيد أمزازي وزير التربية الوطنية والتعليم والعالي والتكوين المهني والبحث العلمي. المسؤول الحكومي المنتمي لحزب الحركة الشعبية يتلقى هادي أيام ضربات كثيرة من الخلف وبطبيعة الحال هو عارفها مزيان.
هاد الحملة كما يشرحها مصدر “كود” بدات من الجدل الذي أثاره مشروع قانون الإطار للتربية والتكوين اللي كان خلق أزمة كبيرة فالأغلبية. ناس البي جي دي خلاّو كولشي مبلوكي ومكانيش مفاهمة غير بيناتهوم وناضو لأمزازي وخلاّو الحملة عليه مفتوحة.
صحيح أن التعليم مريض ومزال خاص إصلاحات كثيرة. الوزير أمزازي الذي تعين وزيرا للتربية والوطنية والتعليم بتاريخ 22 يناير 2018 تلقى بزاف ديال الضربات من ناس البي جي دي وتطعن من الخلف. السيد كيرفض يدخل فشي صراع مع شي جهة سياسية وسيما البي جي دي اللي كيسير الحكومة برئيس ديالها فاشل.
هاد الأيام كانت احتجاجات كثيرة في قطاع التربية الوطنية والتعليم العالي. الوزير كيف قال مصدر “كود” بدا يحل ملف كيخرج ليه ملف من الجنب وكولهوم فيهوم الريحة ديال السياسية. مثلا ملف الاستاذة موظفي الأكاديميات بردو بتنسيق بطبيعة الحال مع عدد المتدخلين وخا هاد الملف كان تسيّس بزاف.
دبا مزال الأمور كتغلي فصفوف طلبة كليات الطب والصيدلة وعاوتاني البي جي دي ركب على الموجة وخدام كيفرع فوزير معاه فالحكومة. نقابة البي جي دي حتى هي راكبة على الحملة وهادي أيام دار بيان أعلنت فيه أن الجامعة الوطنية لموظفي التعليم دخلو في إضراب عن الطعام مع اعتصام إنذاري بنطلق أمس الإثنين وغادي يستمر اليوم الثلاثاء أمام مديرية الموارد البشرية للمطالبة بحل عاجل لمناضلي الجامعة المعنيين بالمرسوم 2.18.294
وبخصوص غياب الوزير أمزازي عن جلسة الأسئلة الشفهية بمجلس النواب أمس الإثنين. مصدر “كود” أكد أن الوزير كان مشارك في المؤتمر الوزاري للبحث والابتكار والتعليم العالي الذي تحتضه روما. ونفى بشكل مطلق أن تكون شي خلفية مورا هاد الغياب أخرى. “بالعكس الوزير الأكثر حضورا فالبرلمان هو أمزازي وبشهادة رئيس الحكومة”. يضيف مصدر “كود”.