ميريكان غادي تعطي مكافأة ديال 10 مليار لأي واحد غادي يعطيها معلومات على المشة الكحلة
كود- كازا//
دارت وزارة الفلاحة والصيد البحري والتنمية القروية والنياه والغابات منصة إلكترونية جديدة مخصصة لإيداع ملفات طلب الإعانات الفلاحية، اللي سماتها ب”الشباك الوحيد الإلكتروني”.
وجات هذ المبادرة مع إطلاق الاستراتيجية الجديدة “الجيل الأخضر”، من أجل إدراج التحول الرقمي فالمجال الفلاحي.
وحسب بلاغ للوزارة، توصلات بيه “كود”، فكتهدف هذه المنصة الالكترونية المخصصة للفلاحين للحفاظ على استمرارية ودينامية الاستثمار في القطاع الفلاحي، وكتساهم فعليا فتسهيل مسطرة إيداع ملفات طلب الإعانة من طرف الفلاحين وتقليص تنقلات الفلاحين للشبابيك الوحيدة، وتدبير أفضل لوتيرة إيداع الملفات لدى الشبابيك الوحيدة، بالنظر لحالة الطوارئ الصحية. ببلادنا.
وعن طريق هذ الشباك الإلكتروني، كيخص الفلاحة يحطو دوسياتهم لطلب الموافقة القبلية أو طلبات الإعانة، ويسجلو جميع المعلومات المتعلقة بيهوم وبنشاطهم الفلاحي مع إرفاقها بالوثائق، كيف كتعتبر النسخ الورقية لهذ الوثائق إلزامية للتحقق من معطيات الملف الإلكتروني
وهذا الليان ديال منصة الشباك الإلكتروني اللي دارت الوزارة: https://fda.agriculture.gov.ma/gue