هادي خبار زينة.. أسماء المدير مخرجة “كذب أبيض” فلجنة تحكيم مهرجان كان العالمي
كود الرباط//
وزارة الصحة والحماية الاجتماعية خصها ميزاجور، دارت بلاغ كتقول فيه بلي احتمال حدوث انتكاسة وبائية يبقى واردا، بالنظر إلى الوضع الوبائي العالمي وظهور متحور “أومكرون” الذي صنفته منظمة الصحة العالمية على أنه مثير للقلق.
منظمة الصحة العالمية ف الاول كانت صنفات هاد المتحور بلي مثير للقلق ف26 نونبر الماضي، لكن مع المعطيات العلمية الجديدة، كشفات غير فالساعات الماضية بلي هاد المتحور ماشي أكثر خطورة واللقاحات فعالة ضدها.
دول اوربية كتسجل يوميا اكثر من 30 ألف اصابة وكولشي محلول وطالقين اللعب وفي نفس الوقت التلقيح غادي مزيان.
واعتبر مسؤول الحالات الطارئة في منظمة الصحة العالمية مايكل راين أن متحورة أوميكرون لم تظهر” أي زيادة في الخطورة” مؤكدا أن بعض الأماكن في أفريقيا الجنوبية تبلغ عن أعراض أخف بالمقارنة مع تلك التي تسببها نسخ متحورة سابقة من الفيروس. وشدد المسؤول الأممي أنه ما من سبب للتشكيك بفاعلية اللقاحات في الحماية من الإصابات الحادة بأوميكرون. ويتوافق هذا الموقع مع رأي كبير علماء البيت الأبيض أنتوني فاوتشي الذي أكد المؤشرات الأولية تدل على أن أوميكرون ليست أسوأ من سابقاتها بل قد تكون أخف.
فحالة المغرب لي كيتوفر على كثر من 13 مليون جرعة وبقاو لي تقريبا 4 مليون مبغاوش يمشي يديرو الفاكسان، وعندو تباطؤ فالتلقيح عكس دول اوربية، خايف من توصل نسبة ملء اقسام الانعاش مستويات قياسية، واخا حاليا اقسام الانعاش مفايتاش 1.5 في المائة من الملء، وكيبقا التساؤول علاش هاد المنع ديال الرحلات الجوية خصوصا ادا قارنا الوضعية المغربية مع دول أخرى.
وزير الصحة لي ضعيف فالتواصل، واخا جايب فريق جديد لكن بلا فعالية، يخليو غير اللجنة العلمية تهضر وتصرح وبلا ما يضيقو عليها. اليوم شفنا اعضاء اللجنة العلمية مقدروش يخرجو بتصريحات حول اللقاء اللي دارو اليوم، وتم تسريب بلي كاين توجه باش يديرو توصية للحكومة ترجع الرحلات الجوية.