الرئيسية > آش واقع > ودابا خاص نقاش واش يسمحو ليهم يرجعو ولا اللا: 8 لمغاربة كانو كيقاتلو مع داعش فسوريا سمحات ليهم السلطات يرجعو
10/03/2019 09:30 آش واقع

ودابا خاص نقاش واش يسمحو ليهم يرجعو ولا اللا: 8 لمغاربة كانو كيقاتلو مع داعش فسوريا سمحات ليهم السلطات يرجعو

ودابا خاص نقاش واش يسمحو ليهم يرجعو ولا اللا: 8 لمغاربة كانو كيقاتلو مع داعش فسوريا سمحات ليهم السلطات يرجعو

كود كازا ///

قال بيان لوزارة الداخلية ان 8 من المغاربة كانو يتواجدون في مناطق النزاع بسوريا٬ اي كيحاربو مع داعش٬ قد سمحت لهم السلطات المغربية من “العودة الى بلدهم الاصلي في كل امان”.

وذكر البيان ان هاد الشي يدخل “في إطار مساهمتها في الجهود الدولية المرتبطة بمكافحة الإرهاب والوفاء بمسؤولية حماية المواطنين”.

واكد البيان ان “هؤلاء المرحلين سيخضعون لأبحاث قضائية من أجل تورطهم المحتمل في قضايا مرتبطة بالإرهاب، تحت إشراف النيابة العامة المختصة”.

وفق مصدر “كود” فان هاد 8 كلهم رجالة.

دابا هاد الشي خاصو نقاش بحال للي واقع فدول اوربية٬ واش هاد المحاربين اللي مشاو كافرين بالدولة المغربية وسبوها وكفرو بيها يسمح ليهم يرجعو. اييه غاديين يتحاكمو حقاش اللي داروه كيعاقب عليه قانون الارهاب ولكن هما ما بغاوش الجنسية المغربية علاش الدولة تحمل المسؤولية ودخلهم وتخسر عليهم لفلوس الا الى كانو غاديين يتعاونو مع السلطات الامنية اللي مكلفة بالارهاب ويخيوو لمزيودة واكثر من لمزيودة. وحتى هادي وما ممكن نثيقو فيهم.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه