رقم معاملات “لوسيبي” وصل لـ91,27 مليار درهم فعام 2023 وخا كان انخفاض كبير فأسعار المنتجات الفوسفاطية
كود – العيون //
بحال هاد النهار كاتحتافل جبهة البوليساريو باللي كتسميها الذكرى 48 لتأسيسها، اللي كان ف 10 ماي 1973.
وكانت فأوقات سابقة كتطلق الأذرع ديالها فالأقاليم الجنوبية باش ينادوا ب”الاحتفال” وينظمو الوقفات ضد الأمن.
“كَود” دارت جولة قبل الفطور فشوارع مدينة العيون، كبرى حواضر الصحراء، وكانت فيها الأجواء طبيعية و الناس مامسوقاش وماكاين لا احتفالات لا والو، والأوضاع الأمنية ضمن إجراءات حالة الطوارئ الصحية هي اللي طاغية فالعيون وفأغلب المدن الصحراوية، خصوصا قبل بدء حظر التجول الليلي.
وكانت الأوضاع فأوقات سابقة فالصحرا، كتعرف خروج العشرات من المواليين لجبهة البوليساريو، بسبب تحريض مجموعة من التنسيقيات اللي كتعتبر نفسها تابعة للجبهة بالمناطق الجنوبية، واللي كانت كتقوم بتسليم الدعم المادي لتحريك بعض الأشخاص في مثل هذه الأوقات.