كود سبور- عن Culturepsg//

فالوقت اللي اللاعب الدولي المغربي أشرف حكيمي مازال خاصو يتسنى حتى للأحد باش يرجع للتداريب، فاش غتسالي مدة الحجر الصحي ديالو بعد إصابتو بفيروس كورونا، حكيمي كشف، انه رجع هذ الثلاثاء لمركز التدريب فنادي باري سان جيرمان اللي التحق بيه مؤخرا.

ماكانش دوا النادي على إيجابية التيست اللي دار، ولكن دابا النادي مطالب باش يعطي توضيحات، كيفاش حكيمي رجع للتدريب وهو باقي مريض واقيلا، خصوصا وانه هضر بنفسو على هذشي، وحط تصويرة العودة فسطاتي على أنستكَرام.

متابعين كيتساءلو كيفاش حكيمي دار ليها، كاين اللي قال انه كانت عندو إصابة خفيفة وماشي عدوى حقيقية، وكاين اللي رجح يكون هذاك تيست فوبوزيتيف.

https://www.culturepsg.com/news/reseaux-sociaux/hakimi-annonce-qu-il-est-deja-de-retour/38277