وكالات //

كشف مكتب التحقيق والتحليل الفرنسي لسلامة الطيران المدني (BEA) في تقريرو النهائي على تفاصيل الحادثة الكارثية اللي كانت غادي توقع فأحد المطارات فـ فرنسا نهار.

سيدة خدامة في برج المراقبة، فـ مطار شارل دوكَول (مطار رواسي)، 35 كلم شمال-شرق العاصمة باريس، عطات الأوكي لطيارة تابعة لشركة “يونايتد إيرلاينز” (United Airlines) الميريكانية، باش تنزل، فـ الوقت اللي طيارة من نوع “إيرباص” ديال شركة “إيزي جيت” (easyJet) البريطانية كانت كاتوجد تقلع.

وكانو شويا يتساطحو هاد جوج طيارات اللي كانت بيناتهم غير 91 مترو.

وهادا رسم توضيحي كايبين بعض التفاصيل على أشنو وقع فـ مدرج المطار ديك لوقيتة:

تقرير التحقيق، اللي خرج أول البارح 19 يوليوز 2021 (عام من بعد اللي وقع)، كشف أن السيدة مافهماتش لونكَلي مزيان فاش هضر معاها الپيلوط.

وكان الپيلوط طلب التأكيد لكنه استخدم كلمة غير رسمية بقوله “مفهوم” بدلا من كلمة “تأكيد” في تعبير باللغة الإنكَليزية لم تستوعبه العاملة الفرنسية في برج المراقبة.