وكالات //

جرا فيشال كَاركَ (Vishal Garg) رئيس الشركة الميريكانية ديال الكرا و الرهون العقارية “Better.com” في اجتماع عبر لاپليكاسيون “Zoom” على 900 موظف بعدما صدمهم وقال أن الكونطرا معاهم سالات.

السيد شعل الكاميرا وبكل برود ووقاحة قال للموظفين أنهم مطرودين وماغادينش يبقاو معاه فالشركة.

المدير قال هاد جوج كلمات ووضح أن كَاع المطرودين غادي يوصلهم إيمايل فيه التفاصيل، ومباشرة قطع ومشا بحالو.

وناض عليه الصداع من كلشي، والهضرة ضايرة عليه فمواقع التواصل الاجتماعي وأيضا تصامنا مع الناس اللي تطردو بهاد الطريقة الغريبة.