كود مراكش///

حصلت  “كود” على نسخ من شواهد طبية، وقعها الدكتور “ي.ب” طبيب بالقطاع الخاص بمدينة مراكش لفائدة طبيبة أخرى تقطن عائلتها بنفس المدينة لكنها كانت تشتغل طبيبة بمستشفى محمد السادس بالشاون.

الوثائق اللي حصلت عليها “كود” تفيد ان لجنة تفتيش مركزية، ملي شافت ان الطبيبة”ح.ب” غبرات صفطات لجان تفتحص ملفها، ولقاو السيدة عندها شواهد وقعوها دكاترة، من بينهم الدكتور “ي.ب” لي وقع ليها 2 شواهد وحدة بتاريخ 19 يوليوز 2017 تحدد مدة العجز في 21 يوم والثانية وقع عليها بتاريخ 28 يونيو 2017 بنفس مدة العجز، المشكل ان اللجنة وقفات على خرق  خطير وقع فيه هاد الطبيب، هو ان الطبيبة مكانتش في المغرب كانت خارج تراب المغرب.

وهاد الطبيب لي وقع 2 شواهد طبية مشكوك في مصداقيتها جاتو لجنة طبية باش تدير الكونتر فيزيت نهار 12 يوليوز 2017 ولقاو السيدة ماكيناش، وكذبو عليهوم بحيث قالو للجنة بحسب المحضر انها مشات للبلاد، ولكن مصادر “كود” اكدات ان الطبيبة كانت فميريكان .