25/04/2024 23:35
أخنوش على الحوار الاجتماعي: نمتنى فبداية الأسبوع الجاي نلقاو حل مع النقابات لي بغيناها تناقش إصلاح التقاعد حينت إلى بقينا هوكا غنكونو قدام المشاكل فـ2028
نجوى المالحي-كود//
المغنية دنيا باطمة ولات مخلطة الشكلي في العكلي وديما كتدير الإسقاط باش تدوي في صالحها على قضية تورطها في ملف “حمزة مون بيبي” لي متابعة فيه في حالة سراح بعدما خلصات كفالة بفلوس صحيحة.
نهار الجمعة مشات حضرات لمعرض في قيسارية ديال الذهب في سيدي معروف في كازا والنساء ديال المنطقة جاو بالعشرات بغاو يتصورو معاها ويشوفوها بصفتها فنانة.
باطمة استغلات هاد الحضور وصوراتهم بتلفونها وكتبات “وإن ينصركم الله فلا غالب لكم”، بحالا هاد الناس جايين هازيين العلام وطالبين راغبين في البراءة ديالها من الملف لي ولا قضية رأي عام.
المغنية اعتبرت أن حضور هاد الناس هو تشجيع ليها ودعم وهوما “الرأي العام” الحقيقي ماشي الافتراضي. وهوما في الأصل عيالات جاو للقيسارية باش يشوفوها كنجمة غناء بعيدا عن قضية عصابة التشهير والابتزاز لي هي متهمة فيها.
