امراة جابت جثة حتال البنكة باش تاخذ كريدي.. فيديو كيوثق لهاد الواقعة لي مكتدخلش للعقل
هناء ابو علي كود كازا ////
عينة من لمغاربة مشغولة بالبيليكي. كتهدر على ريع السياسيين. وسط هاد الصداع دارو صفقات فيها الريع بصاح. الطاشرون برادة مول بالموري راجل طاطا مرجانة ولى ملك الريع هاد ليام فكازا. ماشي غير محلاتو فالعنق اللي ما يقدر حتى حد فالسلطات يقدر منها ولا يعاقبها على كاع المخالفات اللي كيدير فالبني وفامور اخرى٬ هاد الطاشرون خدا كادو واحد او ريع واعر بزاف.
كيفاش كرات الدولة “دار دادة” وهو مطعم مغربي فالمدينة لقديمة لهاد الطاشرون حسي مسي. كانو ناس خراين باغيينو وبثمن اغلى ولكن اللي عندو طاطا ديما كيربح.
مسؤول سابق على مؤسسة عمومية كان كتب فصفحتو على الفايسبوك على قضية خرى مقودة كتهم مجموعة الطاشرون برادة راجل طاطا مرجانة. قال باللي الطاشرون عطاتو السلطات هدية اخرى وسط لمدينة لقديمة. يتعلق الامر برياض طلع على الدولة ب10 مليون درهم٬ كراوه ليه ب200 الف درهم للعام اييه عشرين مليون للعام يعني شي 16.500 للشهر. المسؤول دار عملية حسابية ولقى باللي باش امورتي الدولة استثمارها خاصها 50 عام.
هاد الريع الجديد كيف وصفو المسؤول السابق معطي للملايرية. ملايرية يقدرو يهزو اللي قلقهم فمطعهم ويلوحوه فالزنقة كيف دار واحد مع زبون فمطعم “او بيري”٬ وحتى حد ما يهدر لا نيابة عامة لا غيرها