الرئيسية > كود سبور > وا توما اش هاد الترعوين فالداخلية. كيفاش عامل كيفرق ميداليات على الوداد مع رئيس مرشح باسم التراكتور فدائرة نفود هاد العامل
28/07/2021 21:00 كود سبور

وا توما اش هاد الترعوين فالداخلية. كيفاش عامل كيفرق ميداليات على الوداد مع رئيس مرشح باسم التراكتور فدائرة نفود هاد العامل

وا توما اش هاد الترعوين فالداخلية. كيفاش عامل كيفرق ميداليات على الوداد مع رئيس مرشح باسم التراكتور فدائرة نفود هاد العامل

سعيد الشاوي كود كازا ////

اش هاد الشي كيديروه بعض عمال المقاطعات هاد ليام. اليوم الوداد البيضاوي ربحات الجيش الملكي فاخر دورة فالبطولة الاحتفالية واخا دات حسابيا البطولة قبل ولكن توزيع الميدليات والاجواء الاحتفالية كتكون فاخر ماتش. لكن الغريب واللي مستفز للاحزاب السياسية قبل ايام من انطلاق الحملة الانتخابية التشريعية هو ان من الناس اللي عطاو الميدالية بالاضافة الى سعيد الناصري باعتبارو رئيس العصبة الاحترافية ورئيس الوداد البيضاوي وفوزي لقجع رئيس الجامعة الوطنية لكرة القدم٬ هو عامل مقاطعة انفا دادس.

غريب حقاش هاد سعيد الناصري مرشح باسم التراكتور. يعني ان عامل انفا باش يبان معاه ويشوفوه لمغاربة كلهم وبالخصوص سكان دائرة انفا اللي كان فيها برلماني وغادي يترشح فيها٬ فهادا دعم ليه.

دابا المنافسين السياسيين ديالو يقدرو يطعنو فيه فحالة الفوز. الصورة والفيديو ديال توزيع الجوائز راه دعم لهاد المرشح.

دابا اش واقع للداخلية. هادي ايام والي الجهة الشرقية فاعلان شي مشروع مع مرشح الحزب اللي هو من التراكتور واسمو بعيوي واليوم الناصري مع عامل المنطقة اللي غادي يترشح ليها.

وفين يامك آ لعفيرات. دادس ذكي وقافز ولكن هادي سقطة مقودة وتوريط لوزارة الداخلية قبل بدء حملة انتخابية غادية تكون صعيبة بزاف

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم