25/04/2024 23:14
عطا أخنوش إشارات على أن تعديل حكومي يقدر يكون فالمستقبل القريب: ملي تكون أحزاب الأغلبية مستعدة غنجلسو ونتافقو
نجوى المالحي-كود//
على عكس بزاف ديال المشاهير، أختارت المغنية هدى سعد أنها تشد تيقارها في مواقع التواصل عامة، وفي حسابها على انستكَرام خاصة، ومدير متابعة لحتى واحد، لا لصحابها لا لعائلتها لا لمعارفها.
بنت كازا لي مستقرة في مراكش بعد زواجها من نائب وكيل الملك في مدينة سبعة رجال، متبعها 3 مليون شخص وفي المقابل هي نافخة ودافعة كبير ومخلية جهة الناس لي متبعة خاوية.
هدى نشاطها محدود في مواقع التواصل الاجتماعي، واخا اخر مرة عوراتها ملي دارت عيد ميلاد وخرقات حالة الطوارئ في عز جايحة كورونا، وماكان لا تباعد لا لبس الكمامة.
ولحد الان كتروج أخبار أنها طلقات من راجلها، لكن حتى حاجة مامأكدة لحد الساعة.