الرئيسية > آش واقع > واش غاتكون شي أزمة ثاني. القضاء الاسباني أمر بإعتقال ثلاثة من البحرية المغربية بسبب مقتل جوج من مغاربة مليلية
24/09/2020 11:30 آش واقع

واش غاتكون شي أزمة ثاني. القضاء الاسباني أمر بإعتقال ثلاثة من البحرية المغربية بسبب مقتل جوج من مغاربة مليلية

واش غاتكون شي أزمة ثاني. القضاء الاسباني أمر بإعتقال ثلاثة من البحرية المغربية بسبب مقتل جوج من مغاربة مليلية

كريم الشركي-كود///

بعد ما يقارب سبع سنين على وفاة الشابين أمين و بيسلي في السواحل المغربية، تمكن والديهم من الفوز جزئيا فالنعركة اللي داروها ضد البحرية المغربية.

حكاية وفاة أمين وبيسلي كيف كانت متبعاها كود، وقعات في أواخر سنة 2013، بعدما كانوا كيحاولوا يهربو لحشيش في زودياك خرجات من سواحل المغرب، وبعدما شدهوم الرادار تبعهوم قارب ديال البحرية، وملي هربو منو لاحقهوم حتى دخل فالزودياك ديالهوم وقسمها على جوج وماتوا الدراري.

والدين أمسن وبيسلي، كيقولوا أن البحرية قتلات ليهم ولادهوم عمدا، وانها كان ممكن تحاصرهوم بدون ما تدخل فالقارب، وهادشي قتل متعمد، وحاولوا يطلبوا من المغرب والبحرية المغرب، تقدم أعضاء البحرية الملكية الثلاثة للمحاكمة، لكن هادشي ما وصلهوم حتى لحاجة.

كما أن جميع الوعود المقدمة لهم من الحكومات الاسبانية المتعاقبة، ومن وزراء الخارجية والداخلية الاسبان، كانت غير وعود كاذبة، حتى جا القاضي خوسيه لويس كالاما اللي قبل أنه يفتح تحقيق فهاد القضية، هاد التحقيق أفضى لاقتناعه بمقتل الدراري بجوج اللي هوما من السكان الاصليين ديال مليلية، وعليه قرر الأمر باعتقال ثلاثة من جنود البحرية الملكية المغربية.

هاد الأمر يقدر يخلق أزمة جديدة بين المغرب وإسبانيا، لأن أمر الاعتقال كيتعلق بثلاثة من أعضاء الجيش المغربي، والقضاء الاسباني عندو سوابق فهادشي، بعدما كان أمر باعتقال جنرالات مغاربة فالسابق بسباب دعاوي أعضاء من البوليساريو.

موضوعات أخرى

28/03/2024 14:45

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة

28/03/2024 14:22

تعيينات جديدة فمناصب عليا دازت اليوم فمجلس الحكومة: منهم مدير المحروقات ومدير الموارد البشرية فوزارة الخارجية

28/03/2024 14:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 13:30

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد

28/03/2024 12:45

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر