نجوى المالحي- كود//

الظاهر أن المياه بين المنشط التلفزي، حمزة الفيلالي ومراتو هند العملي ولات مرونة مؤخرا، ووصلو للطريق المسدود للمرة الثانية، بعد طلاقهم ورجوعهم لبعضياتهم.

حمزة الفيلالي مسح كاع تصاورو مع مراتو هند من حسابو في انستكَرام، بلا مايدير حتى رد فعل أو تفسير، ولكن التبركيك خلا الناس ينتبهو وينزلو عليه في التعليقات بالأسئلة، علاش مسحتي مراتك من عندك.

وعلى عكس راجلها، هند لي كتخدم معاه كمديرة أعمالو، بقات محتفظة بجميع الصور لي كتجمعهم على حسابها، وفي نفس الوقت باقة متتبعة ليه.

هاد الحركة ديال مسح الصور، الصراحة ما بقيناش عارفين واش بالصح، ولا غير طريقة كيديروها بعض المشاهير مني كينساوهم الناس، ويبغيو يديرو البوز بأي طريقة.