25/04/2024 10:30
ولد الغزواني علن ترشحو للإنتخابات الرئاسية فموريتانيا وباغي يواصل تكريس مبادئ حسن الجوار والاحترام المتبادل
هند ابو علي – كود//
تداولت مواقع إخبارية إلكترونية بالجارة الشمالية تسجيلات صوتية لمسؤولين فالشرطة والمخابرات بالداخلية اللي تلاقاو في مطعم ريانتشو في أكتوبر 2009 وتكلمو فيه على فرضيات قوية على إمكانية ارتباط هجمات 11 مارس 2004 اللي وقعت في العاصمة مدريد وأدت لمقتل 193 واحد، وإصابة حوالي ألفين آخرين، بالمخابرات المغربية والفرنسية.
اللقاء المزعوم جمع بين أربعة من كبار ضباط الشرطة: المفوض فيلاريخو نائب المديرية التنفيذية للشرطة ومفوض وحدة الجرائم الاقتصادية ورئيس وحدة المخدرات والجريمة المنظمة والمفوض العام الحالي للشرطة القضائية.
في هاذ التسجيلات اللي توصلات بيها مواقع استقصائية اسبانية، يقول نائب المديرية التنفيذية للشرطة : “ليس لدي أي شك في أن أجهزة المخابرات المغربية كانت على قدر المسؤولية وأن الفرنسيين قدموا لهم الدعم اللوجيستي”. نفس الفرضية عبر عليها تقريبا باقي الضباط الصبليونيين اللي تم تسجيل محادثاتهم بدون ما يحسو بيها.
وزير الداخلية الاسباني رد على هاد الشي اليوم بالقول “كلشي على هاديك العملية الارهابية معروف” يعني هاد التسجيل غير تعمار الشوارج، الحكومة هاجمت تسويق نظرية المؤامرة. لكن فاسبانيا اللي كتعيش فحملة انتخابية للانتخابات التشريعية اللي غادية دار فالشهر الجاي٬ خلات اليمين المحافظ الممثل فالحزب الشعبي يركب على هاد القضية.
رابط المقال الاصلي:
