الرئيسية > آش واقع > واش بصّح الحكومة تخلات على تسقيف أسعار المحروقات؟ رباح لـ”كود”: مزال خدامين على شي معطيات
16/05/2019 12:30 آش واقع

واش بصّح الحكومة تخلات على تسقيف أسعار المحروقات؟ رباح لـ”كود”: مزال خدامين على شي معطيات

واش بصّح الحكومة تخلات على تسقيف أسعار المحروقات؟ رباح لـ”كود”: مزال خدامين على شي معطيات

كود – مكتب الرباط//

نقاش كبر نايض على مسطرة التسقيف اللي كانت الحكومة قالت على أنها غادي تشرع فيها قريب لكن باين أن هادشي مكاينش على أرض الواقع وكول واحد كيلوح المسؤولية لآخر. لحسن الداودي الوزير المكلف بالحكامة كان اكد لـ”كود” على أنه دار خدمتو وصيفط مشروع متكامل على تسقيف أسعار المحروقات لرئيس الحكومة.

الوزير الداودي كان قال بصريح العبارة: “أنا درت خدمتي ومغاديش نكذب على المغاربة فهادشي ودبا خاص جهات أخرى تدير خدمتها ومن المفروض خاصها تسالي شغالها ورئيس الحكومة خاصو يسالي شغالو”.

يوم الثلاثاء الماضي كان قبلة مجلس المستشارين شاعلة بسبب هاد القرار اللي مزال مخرج وعدد من الفرق صبت جام غضبها على الحكومة بسبب الارتفاع الفاحش ديال المازوط وليصانص. الوزير الداودي عاد ليؤكد أن تسقيف أرباح شركات بيع المحروقات قادم وأن الحكومة مسؤولة حدا المواطنين.

رئيس الحكومة، سعد الدين العثماني، اللي كان عندو رأي أخر وباين هو اللي مباغيش هاد القرار ديال تسقيف أسعار المحروقات. بنعرفة “البي جي دي” قال على أن هاد القرار “معضلة وماشي عملية سهلة”، موضحا أن حكومته تشتغل على إجراءات أهم. هنا كتيبقا الأمر بين يدي رئيس الحكومة اللي باين يتهرب من الموضوع.

وبدوره قال عزيز الرباح، وزير الطاقة والمعادن والتنمية المستدامة، في اتصال أجرته معه “كود”، أن وزارة كتجمع بعض المعطيات قبل الحسم في قرار تسقيفات أسعار المحروقات، واكتفى بالقول: “عندنا المعطيات دبا كاملة على ما يتعلق بتزويد السوق وشي أمور أخرى ومزال أخرى خدامين عليها”.

موضوعات أخرى

28/03/2024 10:00

تمويل مول “الشروق”. بوصوف باغي يخلع القضاء بالرسالة الملكية: غير خرج خبار التحقيق معاه نشر رسالة للملك فالفايسبوك وسبونوسوريزياها

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو