نجوى المالحي-كود//

البارح فكازا كان يوم الحشر في مجموعة من المطاعم والبيران.. وتقول واش تلقا فين تگلس، وأما التباعد الاجتماعي واحترام الاجراءات للحد من انتشار كورونا غير نساوه.

“Irish Pup’ فكازا خير مثال، كدخل كتلقا الكتف على الكتف، ولا تباعد لا مراقبة لا احترام للقوانين.

هاد الناس واللي كيراقبهم باغينا نرجعو لمارس 2020، والى بقى هادشي هكا غادي يتسببو لينا فشي بؤر ماقادين عليهم، ويبداو يتباكاو علينا باللي ظلموهم، وهما حاليا ظالمين بلاد.

المسؤولين فبلادنا الى ما تحركوش فهاد الايام الأولى ديال الحلان راه ما غادي ايلقاو ما يسدو مستقبلا.