نجوى المالحي – كود //

المغني نعمان بلعياشي خرج من المغرب ومشا لدبي هادي تقريبا كثر من سيمانة، واخا السفر مع كورونا نورمالمون مازال عندو شروط، يا المرض يا الخدمة اما السياحة لا.

ما علينا، المغني المغربيل حط تصاور على حسابو في انستگرام، وهو مشمش وشبعان راحة وسياحة ، ولكن ماعطاش تفاصيل على السفر ديالو، وماحددش واش غير سياحة ولا حتى خدمة، مع العلم أن بلعياشي، لحد الان، مازل موصلش لمرحلة يدير الحفلات الخاصة في الخليج.

السفر ديال نعمان لدبي تزامن مع احتفالو بعيد ميلادو والمتتبعين باركو ليه وتمناو ليه عيد ميلا سعيد.

https://www.instagram.com/p/CL1xSCssq-M/?igshid=xq3sh7gp2pv9

https://www.instagram.com/p/CLsADNCAf-J/?igshid=awb0l77397ti

https://www.instagram.com/p/CLxQ7rjsj2J/?igshid=150wv3d0r30bd