وكالات //

غادي يطلق المغني العالمي ستينكَ (Sting) ألبوم جديد بعنوان “ذي بريدج/الكَنطرة” (The Bridge) كيدوز من خلالو ميساجات زوينين.

المغني البريطاني اللي عندو 70 عام قال في حوار مع وكالة “فرانس برس” أنه كاين بزاف ديال المشاكل اللي كيعرفها العالم واللي كتخليه مبرزط ومقلق.

وقال “كنعيشو في مناخ سياسي خطير بزاف، كتحس فيه أفراد الطبقة العاملة بأنها مهلوكة”.

وعبر المغني على الغضب ديالو من موجة التشكيك في الفاكسان وعملية التلقيح ضد فيروس “كوفيد-19″، واختلف مع بعض مغني الروك المخضرمين بحال فان موريسون وإريك كلابتون اللي رفضو فرض اللقاح على الراغبين في حضور الحفلات ديالهم.

ودبا خدام ستينكَ كيروج للألبوم ديالو الجديد عبر عدد كم الحفلات خصوصا فـ ميريكان.