كود سبور ///
المنتخب المغربي لكرة القدم ربح فالماتش الثاني ديالو فالمجموعة 3 من نهائيات كأس افريقيا اللي كيدور فالكاميرون.
الاسود ربحو جزر القمر بجوج لزيرو وضمنو تأهلهم رسميا لثمن نهاية هاد الكان. ولكن المدرب وحيد خاليلوزيتش مقلق، قال فتصريح ليه بعد الماتش “ربحنا ولكن ماشي فرحان”. طبعا ما فرحانش حقاش زگلو بزاف بزاف.
وحيد قال “تضييع اهداف بحال ديك الطريقة ماشي منطقي” وما نساش يهنئ اللعابة.
فالماتش ضد جزر القمر فلت المنتخب بيلانتي وزكل 19 محاولة. ضيعو بزاف بزاف خاصة المهاجمين.
وحيد خاصو يبدل امور كثيرة فهجوم الاسود.