نجوى المالحي-كود

مصممة الأزياء المغربية عائشة عياش في يشتبه في أنها واحدة من بين أفراد عصابة “حمزة مون بيبي” لي كانت كتبتز المشاهير مقابل الفلوس، غادي تخوي الإمارات لي مستقرة فيها هادي عامين قريبا.

تبركيكة لي جابت “كود” أنها مبحوث عليها بعدما تجبدات سميتها من طرف المعتقلين لي داخلين حاليا في سجن الوداية، والقضية عندها حامضة.

وكانت عائشة عياش من الأسماء لي ديما كتبارك لحمزة مون بيبي وتغني ليه في لقاءاتها مع دنيا باطمة وكيديرو ليه ديديكاس، وكانو تسربو تسجيلات صوتية فيهم تهديدات وهي دائما كتنفي أن ليها علاقة.

ومن بداية أكتوبر المصممة غبرات من مواقع التواصل الاجتماعي وآخر صورة حطاتها في انتستغرام كانت بتاريخ 5 أكتوبر، مع العلم أنها هي من النشطاء لي ديما حاضرين في سنا بشات.

وكان البوليس قرقبو على أعضاء العصابة والتحقيق مازال مستمرة.