الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية
كود هناء ابو علي ///
هشام العلوي ولد عم الملك محمد السادس تصاحب هاد ليام مع منتحل صفة “مدير صفحات الملك” على الفايسبوك٬ المدعو سفيان البحري. طبعا هاد المواطن اللي قال باللي تخلى على لقبو كامير دار هاد الشي غير ضد فشي وحدين.
دابا ولى هاداك البحري منتحل صفة مدير صفحات الملك٬ كينشر صور هشام العلوي. نشر صور مع عائلتو. صور هو واياه.
نهار عيد ميلادو٬ ناض هشام بن عبد الله العلوي وبارك ليه المناسبة. هنا غادي يدافع عليه. قال باللي شرب معاه اتاي وباللي فرح باش نشر هاد الشاب “تدوينة جميلة”٬ في اشارة لتدوينة كيقول فيها باللي هشام راجل مزيان وووو. واوضح فالاخير انو اكتشف باللي صاحبنا ” شاب ذكي وصادق، وأثار انتباهي إعجابه بالملك محمد السادس بعيدا عن منطق التملق والانتهازية. إنه تقدير أصيل مجرد من كل الحسابات السياسية، يحترم الأشخاص وقناعات الآخرين دون السعي الى فرض أي شيء عليهم”.
هشام المحاضر فالقضايا الاستراتيجية المدافع عن دولة المؤسسات غير قول لينا كيفاش تتلاقى مع واحد ما عندو حتى صفة فالدولة بل حتى صفحة باسم ولد عمك الملك محمد السادس بان باللي انتحلها.
كيفاش انت كمدافع على المؤسسات كتسمح بوجود اشخاص ما عندهمش الصفة. كيفاش كطالب باصلاحات كبيرة وفنفس الوقت مع استمرار امثال البحري.
كيفاش كتشجع شاب هاجم بنت وعندو قضية فالمحكمة. واش كون كنتي فامريكا ممكن تبان مع شاب بحالو؟ ابدا. انت غير فالمغرب افعالك ضد افكارك. خاصك تكون مبدئي فكاع القضايا.
من حقك التعبير على اراءك وخاص مناقشتها بادب دون تهجم عليك او اتهامك ديك الاتهامات لكبيرة الخايبة.
https://www.instagram.com/p/CNLpYNwBm5L/?utm_source=ig_web_copy_link