وكالات//

بسبب الأزمة المالية والمصرفية لي كاينة في لبنان، الأبناك ما بقاتش بغات تعطي للناس فلوسهم لي حاطين فيها، وهادشي خلا بزاف ديال المواطنين يديرو شرع يديهم ويقتاحمو الأبناك وياخدو فلوسهم صحة.

هادشي لي دارت مواطنة لبنانية سميتها سالي حفيظ، هزات فردي ديال ميكة وقصدات البنك لي حاطة فيه فلوسها وخدات لي خدامين فيه رهائن حتى خدات فلوسها، واخة ماشي كاملين ولكن جزء مهم منهم 20000 دولار.

سالي حفيظ قالت أن ختها مريضة بالسرطان وبغات تديهل لتركيا باش تتعالج وعندها لفلوس في البنك ولكن ما قادراش تاخدهم وكيقولو ليها كاين أزمة سيولة، واخة أشهر وهي كتحاول.

ونشرات لبنانية على حسابها في فيسبوك تدوينة من بعد الاقتحام، كتبات فيها: “الدولة كلها تحت بيتي وأنا بالمطار، بشوفكم باسطنبول”.