كود كازا //
هربة جماعية سالات بعد ساعات قليلة بالفشل. هاد الشي اللي وقع السبت الفايت في العشية فسطات، بعد ما استغل 7 معتقلين بالمينوط ديالهم المناسبة وهرسو فرعو الباب ديال فارغونيط نقل المعتقلين وضربوها بهربة وسط دهشة موظف مندوبية السجون والجدرامية اللي قدرو يشدو جوج في البلاصة وبقاو اخرين هربانين.
بعد طلب الدعم تدخلات فرقة الدراجين وفرقة أمنية تابعة لولاية أمن سطات قدرو يشدو الاخرين قرب المنطقة الصناعية مابين 5 و7 مساءا. دابا القضية عند النيابة العامة اللي فتحات تحقيق في النازلة لتحديد ظروف الواقعة وتحديد المسؤوليات.
