الرئيسية > آش واقع > هرس ليها العظام وسافطها للسبيطار.. مديرة مدرسة تعرضات لاعتداء خايب من مجهول
23/01/2021 16:20 آش واقع

هرس ليها العظام وسافطها للسبيطار.. مديرة مدرسة تعرضات لاعتداء خايب من مجهول

هرس ليها العظام وسافطها للسبيطار.. مديرة مدرسة تعرضات لاعتداء خايب من مجهول

كود كازا//

تعرضات مديرة مدرسة حصين الابتدائية فسلا، لبارح الجمعة فالعشية، لاعتداء خايب من طرف غريب، هرس ليها عظامها وسافطها للسبيطار.

وعلنات المديرية الإقليمية فسلا التابعة للاكاديمية الجهوية للتربية والتكوين، على استنكارها للاعتداء اللي تعرضات ليه المديرة، وانها غتنصب راسها كطرف مدني فالدعوى ضد المعتدي، حماية لحقوق المديرة وتضامنا معها.

وكشفات المديرية، فبيان ليها، أن لجنة إقليمية بتكليف من المدير الإقليمي زارت السيدة فالسبيطار وطمنات على حالتها.

وشددات على انها منخرضة فمناهضة العنف ضد النساء، وماغتساهلش فالقيام بالإجراءات القانونية والمسطرية اللازمة لحماية نساء ورجال التعليم.

من جهتها، توجهات مكاتب نقابية للمؤسسة المعنية باش تعبر على تضامنها مع المديرة اللي تعرضات للاعتداء، ومنها النقابة الوطنية للتعليم اللي دارت بيان استنكاري عقب الحادثة.

وعبرات النقابة، فبيانها، أنها كتستعد لخوض اشكال احتجاجية لوقف الاعتداءات فحق أسرة التعليم.

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم