نجوى المالحي – كود //
قدر الرابور “طوطو” او El Grande Toto أنه يتصالح مع الجمهور ديالو بأغنية جديدة من ألبومو “كامليون”، خرجها نهار الثلاثاء، وحققت نجاح كبير في فترة قصيرة.
الأغنية الجديدة ديال “طوطو” لي عنوانها “مغير” ضربات أكثر من 2 مليون مشاهدة في قناتو على يوتوب، غير في 7 ديال الساعات، وشدات الطوندونس وتكلاصات في المرتبة الأولى في المغرب، وطيحات أغنية سعد لمجرد وزهير بهاوي “لوجه الثاني” من العرش.
طه الفحصي، المشهور كرابور بلقب “طوطو” اختار يغني في العمل ديالو الجديد لروح مو، لي توفات قبل أشهر من بعد معانات مع الكونصير.
