نجوى المالحي – كود //
اليوتوب اليوم أصبح هو البوابة الوحيدة للفنانين لي شومراتهم ازمة كورونا، وتبيطلو حتى قبل منها بسبب قلة الأعمال الفنية في الساحة لي اليوم محتكرينها بعض الدخلاء.
آخر الفنانات لي دخلو لليوتوب، أمال التمار لي فتحات قناة باسمها الخاص ودارت برنامج طلقات عليه اسم “مع أمل نساء وأسرار”، وقالت أنها غادي تشارك فيه الأفكار والمواضيع لي كتفيد العيالات.
أمال التمار، نشرت أول فيديو تعريفي ليها، وقالت برنامجها غادي يكون متخصص في المواضيع الاجتماعية لي كتخص المرأة، وغادي تشارك مع المتتبعين ديالها قصص نساء مغربيات وأجنبيات ناجحات.
أمال التمار بحالها بحال هدى صدقي ونرجس الحلاق وجواد السايح، كلهم اختارو يستغلوا الشهرة ديالهم ويمشيو لليوتوب، منها يربحو ماديا، ومنها يبقاو على تواصل مع الجمهور ديالهم.
https://www.youtube.com/channel/UCIzMC70POKnxJ6FROaIhH6w/videos