الرئيسية > جورنالات بلادي > هذشي كيهدد بضياع 100 مليون اللي تخصصات باش تصلح.. جردة جامعة الدول العربية فكازا ذبلات وتهملات والزبل ولا مليوح فيها فكل قنت – تصاور
19/07/2020 16:00 جورنالات بلادي

هذشي كيهدد بضياع 100 مليون اللي تخصصات باش تصلح.. جردة جامعة الدول العربية فكازا ذبلات وتهملات والزبل ولا مليوح فيها فكل قنت – تصاور

هذشي كيهدد بضياع 100 مليون اللي تخصصات باش تصلح.. جردة جامعة الدول العربية فكازا ذبلات وتهملات والزبل ولا مليوح فيها فكل قنت – تصاور

كود- عن ليكونوميست//

الجردة ديال جامعة الدول العربية فكازا بدات كذبل نهار على نهار قبل الافتتاح ديالها رسميا، بعد سنوات ديال الأشغال ديال إعادة تأهيلها، هذ الفضاء الأخضر، اللي المساحة ديالو كتتقدر ب30 هكتار، تهمل بزاف، وطالتو مجموعة من أفعال التخريب، بحالو بحال جرادي خرين اللي تأثرو بشكل كبير بسبب الحجر الصحي: مابقاوش يتسقاو، والمسؤولين فالمدينة مابقاوش يتسوقو ليهم.


وحسب جريدة “ليكونوميست”، فالزبل ولا مليوح فكل مكان فالبارك ديال جامعة الدول العربية فغياب أي المراقبة، وإلى الأمور ماتصلحاتش فأسرع وقت، الملايين ديال الدراهم اللي تعطات باش يتأهل ويتصلح غادي تتبخر، واللي تعطات باش يتأهل فإطار مخطط تنمية الدار البيضاء الكبرى، واللي كتتحدد تقريبا ب100 مليون ديال الدرهم، (جماعة كازا عطات منها 45 مليون، والمديرية العامة للجماعات المحلية عطات 35، وجهة كازا سطات 20).


الشركات المكلفة بتصميم وتنفيذ الأعمال هي Idpaysages وSoviam و2D Dama، لكن دابا، الربيع والشجر والورد والنباتات كيعانيو بشكل واضح بسبب الحجر الصحي وموجة الحرارة والإهمال التام واللامبالاة.

وشركة التنمية المحلية دكازا هي اللي مكلفة بالجيستيون ديال مجموعة من الجرادي والمساحات الخضراء فكازا، ومن ضمنهم هذ البارك.

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي

28/03/2024 22:30

لشكر شتت تنسيق المعارضة.. زرب على بنعبد الله وبنكيران وأوزين وعلن رسميا باسم المعارضة على ملتمس الرقابة