كود- عن Metro Time//

بلجيكي دار نظام خاص بتتبع البرلمانيين الفلامانيين، باش يعرف شحال دوزو ديال الوقت فالهواتف ديالهم، وهوما حاضرين فالبرمان الفلاماني فبروكسيل، وهذشي كيفضح مجموعة منهم، وكيحطهم فمواقع التواصل الاجتماعي.

دريس ديبوتر هو فنان ومحاضر بلجيكي، مختص فالذكاء الاصطناعي والمراقبة على مواقع التواصل الاجتماعي والانترنت، دار مؤخرا نظام The flemish scrollers لتعقب، بشكل أوطوماتيك، الوقت اللي كيستغرقوه السياسيين والبرلمانيين، بالمقارنة مع الوقت اللي كيكونو متبعين فيه الزملاء ديالهم، وكيسمعو ليهم.

Dear distracted @BartSomers and @JanJambon, pls stay focused! pic.twitter.com/SCQHUE7lCh

— The Flemish Scrollers (@FlemishScroller) July 7, 2021

هذ النظام كيعتمد على تحليل الصور واللايفات من البرلمان الفلاماني، فلاشين ديالو فيوتوب. هذ البروكَرام كيخدم بلغة البرمجة “بيتون”، وكيرصد اوطوماتيكيا البرلمانيين اللي شادين تيليفوناتهم، باعتماد الذكاء الاصطناعي الخاص بالتعرف على الوجوه.

فيديوهات هذ السياسيين اللي مشغولين بالسورف على تيليفوناتهم فمواقع التواصل الاجتماعي، فالبلاصة كيتحطو فليكونط تويتر وأنستكَرام ديال هذ النظام.

وهذشي دار لمجموعة منهم مشاكل، وتلقاو إنذارات.

Dear distracted @Petervanrompuy, pls stay focused! pic.twitter.com/Vp0uX7bgDs

— The Flemish Scrollers (@FlemishScroller) July 5, 2021