الرئيسية > آش واقع > هذا خبار كيفرح وكيعطي أمل.. علماء فسنغفورة: كاين احتمال لاكتساب الإنسان مناعة أبدية ضد كورونا
19/07/2020 00:00 آش واقع

هذا خبار كيفرح وكيعطي أمل.. علماء فسنغفورة: كاين احتمال لاكتساب الإنسان مناعة أبدية ضد كورونا

هذا خبار كيفرح وكيعطي أمل.. علماء فسنغفورة: كاين احتمال لاكتساب الإنسان مناعة أبدية ضد كورونا

كود – دايلي مايل//

قالت جريدة “دايلي ميل” البريطانية أن علماء من سنغفورة شافو أنه كاين أمل باش جسم الإنسان يكتسب مناعة ضد مرض كوفيد 19، بعدما اكتشفو أن اللي كانو مصابين بسارس، اللي كان ضرب آسيا سنة 2003، مازال محتفظين بأجسام مضادة كتكافح المرض، وهي عبارة على خلايا تائية بيضاء رئيسة.

وتوصلو العلماء لهذ النتيجة من خلال دراسة دارتها فكلية Duke-NUS للطب فسنغافورة، وشملات 23 شخص سبق ليهم الإصابة بسارس، واتضح أنهم مازال عندم الخلاية التاىية البيضاء اللي كتقاوم هذ الفيروس

والعلماء شافو بللي نفس الأمر بقدر ينطبق على فيروس سارس كوف 2 المسبب لمرض كوفيد 19، وهذشي كيعني أن الإنسان ممكن يكتسب مناعة ضدو، اللي تقدر تكون محدودة، كيف تقدر تكون أبدية.

ومازال ماحددو العلماء المدة اللي يمكن تستمر فيها هذ المناعة، حيت المرض عاد بان فدجنبر، لكن الدراسات الأولية كتقول بللي تقدر تكون مناعتو قصيرة الأجل، بحال الفيروسات الأخرى.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه