كريم الشركي – كود //
دارت الممثلة الإسبانية من أصول ليبية وتونسية هبة أبوك، أو هبة أبو خريص، صاحبة اللاعب الدولي المغربي أشرف حكيمي، حوار مع صحيفة “إل باييس الاسبانية هضرات فيه على خدمتها وكيفاش بدات مسار التمثيل وبعدها رجعات كمحترفة ماشي غير هاوية.
وهضرات أيضا على صور وفيديوهات يخت تانكَانا (Tangana)، اللي كانت فيه مع صحابها وصحاباتها، وخرجو تصاور وفيديوهات دارو ضجة.
وعلى هادشي قالت هبة أن ديك الضجة كانت سخيفة، حقاش هوما كانو كيحتافلو بصاحبهم، ومن بعد اقتارح عليهم ياخدو تصويرة، وزادت قالت على الناس اللي كثرو الهضرة على التصاور، واش كانو باغيينا نلبسو البوركا؟
ومن بعد سولها الصحافي على حكيمي، ملي صاحبك من أصول مغربية، واش من الأسهل ليك أنه تكون عند صاحبك نفس الخلفية الثقافية؟ وجاوباتو هبة بأن الخلفية الثقافية ماكتهمش بتاتا، بل الأفضل تكون عندو خلفية مختالفة، والمهم فالعلاقة هو علاقة الروحين وشي حوايج كيتحسو وماكيتشافوش، حسب تعبيرها.