الرئيسية > آراء > ها لعب الدراري فين يوصل. مسيرة الرباط غادية تخاصمنا مع مصر والسعودية الامارات. صوروهم صهاينة كيضرو فلسطين فمسيرة شاركات فيها الحكومة والمعارضة وهيمنات عليها العدل والاحسان =تصاور
09/02/2020 19:30 آراء

ها لعب الدراري فين يوصل. مسيرة الرباط غادية تخاصمنا مع مصر والسعودية الامارات. صوروهم صهاينة كيضرو فلسطين فمسيرة شاركات فيها الحكومة والمعارضة وهيمنات عليها العدل والاحسان =تصاور

ها لعب الدراري فين يوصل. مسيرة الرباط غادية تخاصمنا مع مصر والسعودية الامارات. صوروهم صهاينة كيضرو فلسطين فمسيرة شاركات فيها الحكومة والمعارضة وهيمنات عليها العدل والاحسان =تصاور

كود الرباط ////


مسيرة الرباط باش تقول اللا لصفقة القرن” اللي كانت اليوم عرفات تصرفات غادي يكون ثمنها غالي علي المغرب. دارت مسرحية سبو فيها المحمدين: ابن زايد ديال الامارات وبن سلمان ديال السعودية بالاضافة الى عبد الفتاح السيسي رئيس مصر. بينو باللي كراكيز لدونالد ترامب رئيس امريكا وبنيامين نتانياهو رئيس وزراء اسرائيل.

هاد الصور داروها صحاب تيار تركيا قطر واللي كيدافعو عليهم. اييه كانت حالات معزولة ولكن فدول ماعندهاش مع الديموقراطية ما غادينش يفهمو باللي هاد الشي داروه ناس ما عندهم علاقة بالدولة. شكون غادي يفهم باللي السيسي كيبوس يد محمد بن سلمان قدام محمد بن زايد وباللي هاد الشي غير تمثيل.

غاديين يعززو هاد الشي ديال مؤامرة من الرباط بمشاركة احزاب مشاركة فالحكومة. نائب الامين العام لحزب العدالة والتنمية سليمان العمراني كان فالصف الاول حدا فتح الله ارسلان القيادي فالعدل والاحسان. شاركو احزاب الاتحاد الاشتراكي والتجمع الوطني للاحرار والتقدم والاشتراكية والاستقلال بالاضافة الى النقابات….

صعيب تقنع هاد الدول باللي هاد الاهانة ضد رموز بلادهم جات من قبل افراد فقط. حقاش ما جا حتى حد حيدها او طلب من اللي دايرها يوقفها.

دابا المغرب بان منخارط مؤخرا فالتشديد انو مع القضية الفلسطينية. رئيس الحكومة الامين العام لحزب العدالة والتنمية سعد الدين العثماني اعلن رفضو لصفقة القرن ودافع على المشاركة فهاد المسيرة. اذن المسؤولية كاينة.

دابا كيفاش غاديين نديرو مع الامارات والسعودية ومصر. فمسيرات بحال هادي خاص كلشي يكون مضبوط. تصرف صغير من شي متهور ثمنو يقدر يكون غالي. عندهم باش يقصحونا. الصحرا مثلا

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي

28/03/2024 22:30

لشكر شتت تنسيق المعارضة.. زرب على بنعبد الله وبنكيران وأوزين وعلن رسميا باسم المعارضة على ملتمس الرقابة